Tsohon gwamnan jahar Anambra Peter Obi ya yi kira ga daukacin musulmin Najeriya dasu yi amfani da waannan rana ta Maulud domin yin addu’a ga halin da Najeriya take ciki.
Dan takarar shugaban kasa na jam’iyyar Labour Party, LP, a zaben da za a yi a ranar 25 ga Fabrairu, 2023, Peter Obi, ya aike da sakon fatan alheri ga al’ummar Musulmi da su taimaka wajen yiwa kasa addu’a yayin da suke murnar zagayowar ranar haihuwar fiyayyen halitta Annabi Muhammad SAW.
Obi ya bukaci al’ummar musulmin Najeriya da su yi amfani da wannan lokacin wajen yin tunani da kuma neman taimakon Allah kan dimbin kalubalen da kasarmu ke fuskanta.
Karanta nanZamu Bunkasa Bangaren Yawon Bude Ido A Najeriya-Gwamnatin Tarayya
Ya ce ina mika sakon taya murna ga daukacin al’ummar Musulmin Nijeriya, a yayin da suke gudanar da bukukuwan Mauludin Mauludin, domin karramawar da aka haifi fiyayyen halitta Annabi Muhammad.
Bikin ya sake ba mu damar yin tunani a hankali yayin da muke neman roƙon Allah a kan dimbin ƙalubalen da al’ummarmu ke fuskanta ta kowane fanni.
Yan Najeriya na ci gaba da fuskantar kalubale da dama, wasu daga cikinsu akwai rashin hadin kai a tsakanin al’umma, da matsanancin talauci, da rashin aikin yi, da kuma rashin tsaro.
A wani labarin kumaDaga Karshe Jakadan Kasar Faransa A Nijar Ya Fice Daga Kasar
Mu a yau, mu yi addu’ar samun dauwamammen zaman lafiya a cikin al’ummarmu, tare da kiyaye koyarwar Manzon Allah, mu ci gaba da nuna soyayyar ‘yan’uwantaka ga ’yan kasarmu da matanmu, musamman talakawa, a tsakaninmu ba tare da la’akari da kabilarsu ko addininsu ba.
Daga karshe tsohon gwamnan jihar Anambra yayi wa daukacin musulmin musulmi barka da sallar layya.
