Dan takarar shugaban kasa na jam’iyyar Labour a shekarar 2023, Peter Obi, ya bayyana kashe naira biliyan 60 na baya-bayan nan da aka kashe na sayen motoci ga ‘yan majalisu kusan 400 a matsayin babban abin takaici a Najeriya.
Obi, wanda ya bukaci a toshe wannan hanyar ta almubazzaranci da dukiyar jama’a, ya ce ware irin wannan makudan kudade ga motocin SUV, fiye da abin da aka ware domin kula da lafiya a matakin farko, ba komai bane illa abin damuwa.
Karanta nanSakin Nmadi Kanu Zai Magance Wasu Matsalolin Nijeriya–Meekam
Tsohon dan takarar shugaban kasar ya kara da cewa kashi daya bisa uku na wannan kudi, tare da yin shawarwarin da ya dace, da an ba da motocin SUV da aka kera a cikin gida na Innoson Motors, PAN ko kuma duk wani kamfanin hada motoci na cikin gida, wanda zai bunkasa tattalin arziki, samar da ayyukan yi.
Obi, wanda ya bayyana hakan a dandalinsa na X, ya kara da bayyana cewa babu wanda zai yi tunanin irin wannan kashe kudi a gwamnatinsa.
Kiwon lafiyarmu matakin farko, wanda shine tushen kiwon lafiya, muhimmin ma’auni na ci gaba, ya ruguje, wanda ya kai ga zarce Indiya sau 7, a cikin mace-macen jarirai, wani yanayi mai ban tausayi. Kasafta irin wannan adadi mai yawa, wanda ya zarce abin da muka ware wa kiwon lafiyarmu na farko, ba komai bane illa abin damuwa.
Tsohon gwamnan jihar Anambra ya tuna cewa a lokacin da aka rantsar da shi a matsayin gwamna ya lura cewa Alkalan babbar kotun jihar, sakatarorin dindindin na gwamnati da sabbin kwamishinonin jihar da aka nada ba su da abin hawa.
Ya kara da cewa gwamnatin jihar Anambra ta ba da umarnin a ba shi motocin SUV guda biyu masu sulke don amfanin kanshi.
A wani labarin kumaDalibi Ya Daba Wa Malaminsa Wuka Har Lahira A Jahar Taraba
Na soke wannan umarni kuma na yi amfani da wannan kudin wajen tattaunawa kan farashin motocin Peugeot don samar mana motoci 64 wadanda suka isa ga daukacin ‘yan majalisar kwamishinoni da suka hada da ni da mataimakina gwamna.
Babu wanda zai yi tunanin irin wannan kashe kudi a karkashin gwamnatina. Ina kira ga mahukunta da su fice daga wannan tafarki na almubazzaranci da dukiyar al’umma.
