![xavi](https://i0.wp.com/ichef.bbci.co.uk/news/640/cpsprodpb/f5f4/live/0f02fc00-58db-11ee-89ba-b1ccf2a7cbde.jpg?resize=696%2C392&ssl=1)
Asalin hoton, Getty Images
Crystal Palace za ta buɗe sabuwar tattaunawa kan kwantiragi da take son bai wa ɗan wasanta ɗan ƙasar Ingila Eberechi Eze, wanda yanzu haka yake kan yarjejeniyar da wa’adinta ke cika a 2025.(Athletic)
Manchester United ta shirya sayar da ɗan wasanta na Ingila Jadon Sancho, da ta siya kan fam miliyan 73 da ke Borussia Dortmund, a watan Janairu. (Star)
Tottenham na nazari kan ɗan wasanta na Koriya ta Kudu mai shekara 31 da ke buga gaba Son Heung-min, wanda kwantiraginsa zai ƙare a 2026. (Telegraph)
Bayern Munich za ta fafata da Real Madrid kan cinikin kyaftin ɗin Chelsea kuma ɗan wasan Ingila Reece James a baɗi. (Fichajes)
Ɗan wasan baya na Chelsea Trevoh Chalobah na shirin barin ƙungiyar a watan Janairu, matashin dai na matuƙar son ganin ya koma Bayern Munich bayan watsi da tayin Nottingham Forest. (Fabrizio Romano)
Kocin Barcelona Xavi ya amince da tsawaita zamansa a ƙungiyar har zuwa shekara ta 2025 a wata yarjejeniyar da za ta ba shi damar ƙarin shekara guda nan gaba. (ESPN)
Juventus ta bi sahun Liverpool da Paris St-Germain da Bayern Munich da Tottenham a zawarcin ɗan wasan Faransa mai shekara 22 Khephren Thuram da ke taka leda a Nice. (90min)
Arsenal da Chelsea da Manchester United sun shiga hamayyar zawarcin ɗan wasan Norway da Club Bruges, Antonio Nusa, mai shekara 18 kan kudi fam miliyan 30 (Express)
Tsohon kocin Bayern Munich Julian Nagelsmann, mai shekara 36, na gab da cimma yarjejeniyar zama sabon kocin Jamus.(Fabrizio Romano)
Liverpool a shirya take ta tuntuɓi wakilan ɗan wasan tsakiyar Sifaniya, Thiago Alcantara da na Kamaru Joel Matip waɗanda ke cikin shekarunsu na 32, domin tattauna sabuwar yarjejeniya. Ƴan wasa biyu ba su da ƙungiya a yanzu. (Caught Offside)
Ɗan wasan Belgium Romelu Lukaku ya raba gari da wakilansa bayan tafiya zaman aro a Roma daga Chelsea a wannan kaka. (Telegraph)
Ƙungiyoyin Firimiya da dama, da suka hada da Wolves da Everton da Nottingham Forest sun shirya tattaunawa kan ɗan wasan West Ham, Michail Antonio mai shekara 33 . (Football Insider)
Ɗan wasan Nottingham Forest Harry Arter na shirin ajiye aikinsa da ake biyansa fam dubu 40 a kowanne mako. Harry mai shekara 33 ya shafe kaka biyu rabonsa da ya haska a ƙungiyar (Mail)
Tottenham ta raba gari da ɗaya daga cikin wakilan ƙungiyar Leonardo Gabbanini. (Guardian)