Ó géē ma ɔyínɔ̄nyīlɔ, a kē í hī iyē nū ka UJÍSƆ̄SI.
Ohígbū ka anú géē nya ācɛ ɔlɛ́ nū tá ŋmá íne nēé bīya á.
Ádā um lɛ ɔdā dóódu kpó tū um abɔ̄.
Ɔ̄cɛ dúúmā í jé Ɔyínɔ̄nyīlɔ ā ŋ́, ń táafú ŋ́ ayíka Ádā ā nɛ.
Ɔ̄cɛ dúúmā í kē jé Ádā ā ŋ́, ń táafú ŋ́ ayíka Ɔyínɔ̄nyīlɔ ā nɛ.
Ācɛ nɛ̄ Ɔ̄yínɔ̄nyīlɔ ā cɛ̄ ō mafú Ádā ā lɛ uwá ā géē jé ɔ́ dúú.
Aá wā ɛgiyí um, ɔdúúdú aá nēe gē yúklɔ́,
nɛ̄ iyó le jɛ̄ aá, n géē je omlɛ́nyɔ̄́ lɛ aá.
Ó lɛbɛ̄ɛka ɛ́gɛ́nɛ̄ Ɔyínɔ̄nyīlɔ kú Ɔ̄cɛ í wā kéē cɛ̄ ɔ̄ ɛhɔ̄ ŋ́,
amáŋ kóō cɛ̄ ācɛ ɛhɔ̄,
kóō kē je oyēeyī kú nū bɛ̄ɛka ɔdā o le ōfūla ācɛ alɛwa ā.”
Ohígbū ka Ɔwɔicō yíihɔtū tū ɛcɛ ā fíyábɔ̄,
anɔ́ɔ ó je Ɔyínɔ̄nyīlɔ ékpónú kú nū ā,
ka ɔ̄cɛ dúúmā nōo lɔtūce ɔ́ í gáā yíífi ŋ́,
amáŋ ó géē lɛ oyēeyī opiyóó.
Ɔ̄cɛ dúúmā nōo cɛ̄ɛ̄lā Ɔyínɔ̄yīlɔ ā lɛ oyēeyī opiyóó.
Amáŋ ɔ̄cɛ nōo lɛyitáajɛ lɛ Ɔyínɔ̄nyīlɔ ā ŋ́,
í gáā má oyēeyī ŋ́,
amáŋ ícɔ̄nū kú Ɔwɔicō géē yɔ̄ ɛyí nū.
Ujísɔ̄si da ɔ́ kahíníī,
“Ami gē je ācɛ héyī ŋmá ɔlékwū á.
Ācɛ nēe cɛ̄ɛ̄lā kú um, géē yēeyī, nááná nēé gekwú ā.
Ɔ̄cɛ dúúmā nōo yēeyī klla lɛ ɔtūce um,
í gáā kwú ŋ́ piyóó. A cɛ̄ ɛ̄nyā a?”
Ujísɔ̄si da ɔ́ kahíníī, “Ami wɛ ɔwɛ á,
ɔkwɛ̄yi mɛ́mla oyēeyī á.
Ɔ̄cɛ dúúmā í wā ɛgiyí Ádā um glá ŋ́,
ń táafú ŋ́ ó yɛ ŋmá ɛgiyí um.
Amáŋ é tá ɛ̄nyā cɛ́ɛ́ kú aá cɛ̄ ka Ujísɔ̄si ɔ́ɔ wɛ
Ohɔ́nyɛtá ā Ɔyínɔ̄nyīlɔ kú Ɔwɔicō ā,
cɛ́ɛ́ ɔ́dāŋ ka aá cɛ̄, aá géē lɛ oyēeyī ŋmá iyē kú nū.
source
