Ọnyị ọlẹng, iMeri a ka ma lẹ.
A ka wụrụ ẹnyị nyamwụ iJisọsị Chajị,
ọwa ka chị angịnyị nyamwụ da bwu ẹpwụ
nya ịhọbịrị ịhọhọ nyaa wuu lẹlẹ.”
Ụka ọọwa, iJisọsị yẹkẹẹ,
“Anụ kẹwẹ wẹ ẹga nyam,
anụ angịlẹ wuu kanụ wẹẹ kpa ịlọnụ da ru la
ụkụrwọ nya olo nya ọkịlẹtụ ọkpakpa
bala ayiiji ọbwọbwọ,
m ka ya ọmwịịnyọ ha ugbodu okpukpuru nyanụ.
jaabwọ kaam Ọnyị nya ọngịnyị ehe warị wẹ
odehe ọlẹ kaka họ pyii lẹ.
Chajị ḿ warị nya ọngọ ọtụka,
kị ka myị ẹrụ ham ka.
Ma, m warị kaka myị ẹrụ ha angịnyị
ehe lala ọnchẹ nyaa,
gbee kam lẹẹ ka hu ọhịhị nyam kịla iya
wọnụ nyaa ịwa wuu ju.
Chajị ká iru nya angịnyị ka jẹ́-ẹ bwula ọọwa
la ọchịda nya Ohe Oluhye.”
Chajị, alodehe ọlẹ há Ohe Oluhye lụmẹ gbee kọ du
Ọnyẹwẹ olookpokpo nyamwụ warị kaka gbu wọnụ
nyaa ju, chajị ká ọng myị́ ọng ọlẹ kọ myị lọọ lẹ,
á ka ta ayịreji kaka. Ma, kọ ka la ọhịhị ọmyịmyị-ka.
IJisọsị wẹ byoo yẹkẹẹ,
“Am kpakpakpa a ri owuleji bwula igu
ayịdang bala ọhịhị lẹ!
Ọng myị́ ọng ọlẹ kọ myị lam lẹ,
ó riri kọ gbugbu kpá,
ọ ka myịmyị wuleji bwula igu, juwa la ọhịhị ọkịla.
Ọng myị́ ọng ọlẹ kọ tị juwa hịhị, kọ myị lam lẹ aalẹ,
ọngọọwa á ka gbu kpá ẹnẹnẹhẹ kaka.
A myị la ẹlẹwẹ lẹ, ịMata?”
IJisọsị wẹ byoo yẹkẹẹ,
“Am kpakpakpa a ri Ụgbẹyị ọọwa lẹ.
Am kpakpakpa a ri Ẹla nya Ịlẹhị lẹ.
Am kpakpakpa a tị ri Ọhịhị ayịdang ịnyịnyị lẹlẹ.
Ọngọngọhẹ á juwa ọlẹ kọ ka jẹ́-ẹ pwụ ẹga nya
Ohe Oluhye Adịda myị́ kaka. Kẹnẹ-kẹnẹ,
ó ri ká ọngọọwa á bwu ẹga nyam ene lẹ mẹ ịnyị.
Ma, ụkụrwọ ẹbyẹbyị ịlẹ kị da kpehe ẹ-ẹpwụ
nya ụpwụ ọlẹ lẹ, ị daa kpehe,
chajị kaahụ ọngọ wa ụpwụ ọlẹ ka jẹ́-ẹ myị yẹkẹẹ,
“IJisọsị kpakpakpa nyaa ri ịKịrayịsị Ọnyẹwẹ
nya Ohe Oluhye ọọwa ịnyịlẹhị lẹlẹ.”
Chajị ká ọmyịmyị ọlala nyang ọọwa ka họ
ká ka la ọhịhị ọmyịmyị-ka bwula ẹnyị nya iJisọsị.
source
